ജമാഅത്തെ ഇസ്ളാമിയുടെ ആദര്‍ശം

ജമാഅത്തെ ഇസ്ലാമിടേത് ഒരു പുതിയ ആദര്‍ശമല്ല. മനുഷ്യാരംഭത്തോളം പഴക്കമുള്ള ഇസ്ലാമാണ് അതിന്റെ ആദര്‍ശത്തിന്റെ അടിത്തറ. ഖുര്‍ആന്‍, സുന്നത്ത് ഇജ്മാഅ് തുടങ്ങിയവയെയാണ് അത് അവലംബിക്കുന്നത്. അതിന്റെ പ്രപഞ്ചവീക്ഷണവും പ്രവര്‍ത്തനവും രൂപപ്പെടുന്നതും അവയില്‍ നിന്ന് മാത്രമാണ്. ഇസ്ലാമിന്റെ സ്ഥാനത്ത് ഒരു സംഘടനയെ പ്രതിഷ്ടിക്കുകയല്ല അത് ചെയ്യുന്നത്. ദൈവം മനുഷ്യര്‍ക്കാകമാനം തൃപ്തിപ്പെട്ട് നല്‍കിയ പരിശുദ്ധ ദീനുല്‍ ഇസ്ലാമിനെ ജീവിതത്തിന്റെ മുഴുവന്‍ മേഖലയിലും സംസ്ഥാപിച്ച് നിലനിര്‍ത്തുനിര്‍ത്തുന്നതിന്ന്(ഇഖാമത്തുദ്ദീന്‍) സംഘടിതരൂപം നല്‍കുകയാണ് ജമാഅത്തെ ഇസ്ലാമി. ഇത് മുഖേനമാത്രമേ പരലോകത്ത് അല്ലാഹുവിന്റെ തൃപ്തിനേടാനാവൂ എന്നത് ഉറച്ച് വിശ്വസിക്കുന്നു. ഇപ്രകാരം ലോകത്തിന്റെ വിവിധഭാഗങ്ങളില്‍ പ്രവര്‍ത്തിക്കുന്ന സംഘടനകളില്‍ ഒന്ന് മാത്രമാണ് ജമാഅത്തെ ഇസ്ലാമി. ഇന്ത്യയില്‍ അതിന്റെ പേര്‍ ജമാഅത്തെ ഇസ്ലാമി ഹിന്ദ് എന്നാണ്.