ഇസ്ലാമിന്റെ പ്രപഞ്ചവീക്ഷണം

അനന്തമായ ഈ പ്രപഞ്ചത്തെ സൃഷ്ടിച്ച് പരിപാലിക്കുന്നത് അല്ലാഹുവാണ്. മനുഷ്യരും അവര്‍ക്ക് കാണാന്‍ കഴിയുന്നതും കഴിയാത്തവയുമായ സകലതും ആ ഏകനായ അല്ലാഹുവിന്റെ സൃഷ്ടികള്‍ മാത്രമാണ്. പ്രപഞ്ചത്തിലെ മുഴുവന്‍ വസ്തുക്കളും സ്വമേധയാലോ നിര്‍ബന്ധിതരായോ അവന്റെ നിയമത്തിന് കീഴ്പെട്ടിരിക്കുന്നു. സൃഷ്ടികളില്‍ മനുഷ്യന് സവിശേഷമായ സ്ഥാനം നല്‍കപ്പെട്ടിരിക്കുന്നു. ഭൂമിയില്‍ അല്ലാഹുവിന്റെ പ്രതിനിധിയാണ് മനുഷ്യന്‍. അവന്റെ കര്‍മങ്ങള്‍ പരലോകത്ത് വിചാരണചെയ്യപ്പെടുകയും രക്ഷാശിക്ഷകള്‍ നല്‍കപ്പെടുകയും ചെയ്യും. ഭൂമിയിലെ സകലവസ്തുകളേയും മനുഷ്യന് വേണ്ടിയാണ് അല്ലാഹു സൃഷ്ടിച്ചിരിക്കുന്നത്.